Астана әкімдігі 9 мамырға қарай Нұр-Сұлтанда тұратын Ұлы Отан соғысының барлық ардагерлеріне мемлекеттен материалдық көмек көрсетілетінін мәлімдеді, деп хабарлайды «Қазақпарат» ақпарат агенттігі.
Елордалық атқарушы билік органы қазір Нұр-Сұлтанда Ұлы Отан соғысының 44 қатысушысы тұратынын айтты. Жеңіс күні қарсаңында олар миллион теңгеден алады.
Сондай-ақ Ұлы Отан соғысына қатысушылардың жесірлері бір жолғы ақшалай төлем алады. Оларға 32,5 мың теңге көлемінде материалдық көмек беріледі.
Тыл еңбеккерлері де назардан тыс қалмайды. Елордалық әкімдік оларға бір жолғы қаржылық қолдау көрсетеді, оның көлемі 32,5 мың теңгені құрайды.
Бұған дейін Қазақстан Республика басшысы Қасым-Жомарт Тоқаев жақын арада басталатын мамыр мерекелері COVID-19 салдарынан үйде атап өтілуі керек деді.
Алайда, Президент Тоқаев сендіргендей, Жеңіс күні қарсаңында бірде-бір Ұлы Отан соғысының ардагері назардан тыс қалмайды. Оның айтуынша, әкімдер соғыс және тыл ардагерлеріне материалдық көмек көрсетеді.
Сурет: 24.kz
