Индустрия және инфрақұрылымдық даму министрі Жеңіс Қасымбек бүгін 28 мың отбасы жергілікті атқарушы билік органдарында жалдамалы тұрғын үй алу үшін кезекте тұрғанын айтты.
Министрдің айтуынша, пәтерлерді жалға алу бағасы халықтың әлеуметтік осал топтарына қолайлы.
«Жалға алу құны шамамен бір шаршы метр үшін 100 теңге, яғни орташа екі бөлмелі пәтер айына 8-10 мың. Бұл әлеуметтік осал топтар үшін өте қолайлы баға», — деді Жеңіс Қасымбек.
Индустрия және инфрақұрылым министрлігінің жоспарында жалға берілетін тұрғын үй құрылысын жылына төрт мың пәтерге дейін ұлғайту көзделген.
«Өткен және арғы жылдары, бюджет есебінен, жылына 500-700 пәтер салынды. Енді мемлекет басшысының тапсырмасы бойынша жалға берілетін тұрғын үйді қаржыландыруды 35 миллиард теңгеге дейін арттырды. Жалпы 4 мың пәтер салуды жоспарлап отырмыз. Бірақ бұл кезекте әлі де мүгедектер, жетім балалар, Ауған соғысына қатысушылар бар. Бүгінде көбейту мүмкіндігі қарастырылуда.Бұл бюджеттің мүмкіндіктеріне байланысты бола ма, әзірге мен білмеймін «, — деді министр.
Көп балалы отбасыларды тұрғын үймен қамтамасыз ету сұрағына жауап бере отырып, Жеңіс Қасымбек оның ведомствосында осындай отбасыларға қосымша үй салу үшін қаражат іздестіріліп жатқанын хабарлады.
Көп балалы отбасыларды тұрғын үймен қамтамасыз ету мәселесі, Астанада өрт кезінде,ең кішісі үш айға ғана толған, бес апалы-сіңлі қаза тапқан қайғылы оқиғадан кейін ерекше өткір болды.
Сулет: total.kz
