Қазақстан Республикасы Парламенті Сенаты Әлеуметтік-мәдени даму және ғылым комитетінің мүшелері “Жастар кадрлық резерві” республикалық жобасының өкілдерімен кездесті. Бұл туралы ҚР Парламенті Сенатының баспасөз қызметі хабарлады.
Кездесуге “Қазақстан Президентінің “Болашақ”халықаралық стипендиясы стипендиаттарының қауымдастығы” қоғамдық бірлестігінің өкілдері қатысты. Комитет хатшысы Серік Бектұрғанов финалистерге сенаторлардың қалай жұмыс істейтінін айтты.
“Қазақстан Президентінің “Болашақ” халықаралық стипендиясы стипендиаттарының қауымдастығы ” ҚБ атқарушы директоры Лаура Демесинова бүгінгі таңда кадрлық резервте 500 адам тұр және мұндай жоба жас мамандар үшін тамаша бастама болып табылатынын атап өтті.
Кездесу соңында депутаттар финалистердің сұрақтарына жауап беріп, олардың ұсыныстарын тыңдады.
Сурет: senate.parlam.kz
