Сегіз айдан астам уақыт бойы жасамаған қылмысы үшін қазақстандық азамат қамауда болған. Нәтижесінде, билік оған 400 мың теңге көлемінде өтемақы төлейді.
Хромтау қаласының тұрғыны К. Ерболға қатысты бұзақылық және денсаулыққа қасақана зиян келтіру дерегі бойынша қылмыстық іс қозғалған. Тергеушілердің айтуынша, ол атыс қаруын қолданып, аудан орталығындағы автовокзал маңында үш адамды жаралаған. К. Ербол өзі сот процесінде қылмысқа ешқандай қатысы жоқ екенін мәлімдеген. Алайда, қалалық сот оны кінәлі деп танып, төрт жылға бас бостандығынан айырды.
Сотталған азамат апелляцияға берген. Облыстық сотта прокурор айыптаудан бас тартты, бұның нәтижесінде бірінші инстанцияның үкімі жойылды. Облыстық сотта іс тоқтатылды және кінәсіз азамат бостандыққа шықты, сол кезге дейін аталған азамат сегіз айдан астам уақыт бойы темір тордың арғы жағында өткізген.
Бұрынғы сотталған азамат Қаржы министрлігіне қатысты талап-арыз беріп, моральдық шығын үшін өтемақы төлеуді талап етті. Қамауға алынғанға дейін Хромтау тұрғыны Дон тау-кен байыту комбинатында бұрғылау қондырғысының машинисті болған. Абақтыда болған уақыт ішінде оның жалақысы 661 мың теңгені құрады. Бұл соманы да Қаржы министрлігінен өндіріп алуды талап етті.
Хромтау соты талап арызды қанағаттандырды және қаржы министрлігін К. Ерболға моральдық шығын үшін 400 мың теңге және 661 мың теңге жалақы ретінде төлеуге міндеттеді.
Сурет: Ktk.kz
