Жапониядағы Қазақстан елшілігі еліміздің Тәуелсіздігінің 28 жылдығына орай Токиода марш ұйымдастырды, оған Жапонияның сыртқы саяси ведомствосының өкілдері қатысты.
Іс-шараға Жапон экономика, сауда және индустрия министрлігінің, сондай-ақ Орталық Азия мен Кавказ елдерінің зерттеу институтының, жаңа энергетикалық және өнеркәсіптік технологияларды дамыту ұйымының өкілдері қатысты.
Іс-шараны ұйымдастырушылар акцияға Жапонияда жұмыс істейтін немесе білім алып жатқан еліміздің азаматтары да қатысқанын айтады.
Қазақстан елшілігінің ақпараты бойынша, маршқа қатысқандар “Хонханэда” паркінен бастап, Фучу ауданында мәреге жетті. Акция барысында Жапон азаматтары мемлекеттік әнұранды қазақ тілінде орындады.
Бұл туралы Қазақстанның Жапониядағы Төтенше және Өкілетті елшісі Ерлан Баударбек-Қожатаев айтты. Оның айтуынша, бұл акция Жапонияда тұратын еліміздің азаматтары үшін Тәуелсіздік Күнін атап өтуге жақсы себеп болып табылады.
