Атырау облысының әкімі Нұрлан Ноғаев Махамбет ауданына жұмыс сапарымен барып, Орал өзеніндегі жағалауды бекіту жұмыстарымен танысты.
Аймақтық коммуникация қызметінің ақпаратына сәйкес, бүгінгі таңда осы ауданда Орал өзенінің көктемгі су тасқыны кезінде елді мекеннің аумағын су басу қаупі бар. Алдын ала мәліметтер бойынша, су басу аймағына 121 үй, елді мекеннің 14 гектар аумағы, оның ішінде 369 гектар егіс учаскелері бар.
“Махамбет селосындағы Орал өзенінің ұзындығы 4,5 шақырым жағалауды нығайту жұмыстары” жобасын іске асыру қатты су тасқыны кезінде халықтың қауіпсіздігін қамтамасыз етіп қана қоймай, сондай-ақ тұрғындар үшін рекреациялық аймақтар құруға мүмкіндік береді. Сондай – ақ, жаңа абаттандырылған жағалауды құру ауылдағы шағын және орта бизнестің дамуына серпін береді”, – деп хабарлады қызметте.
Бұл жоба жапониялық Tokyo Rope компаниясымен жүзеге асырылады деп жоспарлануда. Келесі жылы ұзындығы 4,5 километр жағалау белдеуін нығайтуға байланысты жұмыстар басталады.
Сурет: newtimes.kz
