Жамбыл облысында тауарлар мен қызметтердің сапасы мен қауіпсіздігін бақылау комитетінің Жамбыл облысы бойынша департаментінің ұсынысы бойынша дәрілік препараттар мен медициналық мақсаттағы бұйымдардың бағасын ұстап тұруға бағытталған келісімге қол қойылды. Бұл туралы “Қазақпарат”хабарлайды.
Департамент басшысының орынбасары, Жамбыл облысының бас фармацевтикалық мемлекеттік инспекторы Мәдина Шиналиеваның айтуынша, осы Келісімге Жамбыл облысы әкімдігінің кәсіпкерлік және индустриалды-инновациялық даму басқармасының, сондай-ақ өңірдің фармацевтикалық қызметін қолдау және дамыту қауымдастығының өкілдері қосылды.
“Осы құжаттың негізінде дәрі-дәрмек пен 50 сауда атауларының медициналық өнімдеріне бағаның өсуін тежеуге бағытталған іс-шаралар жүзеге асырылуда. Деректер алмасу қамтамасыз етіледі, жұмыс үйлестіріледі. Қандай дәрі-дәрмектердің бағасы көтерілмейтінімен сайтта танысуға болады. Меморандуммен бекітілген толық тізім Департаменттің сайтында, сондай – ақ Жамбыл облысының дәріханалық ұйымдарында орналастырылған”, – деп түсіндірді Шиналиева.
Қазіргі уақытта Жамбыл облысының аумағында Тараз қаласында орналасқан шамамен 200 дәріхана бар 485 дәріхана жұмыс істейді.
Сурет: inform.kz
