Татарстаннан келген дәрігерлер Жамбыл облысының аумағында жұмыс істейді. Олардың сапарының негізгі мақсаты Қазақстандағы әріптестеріне коронавирустық инфекциямен және пневмониямен күресте көмек көрсету, консультативтік көмек көрсету және тәжірибе алмасу болып табылады.
Татарстаннан келген дәрігерлер тобына инфекционистер, реаниматологтар, анестезиологтар, эпидемиологтар және амбулаториялық-емханалық мамандар кіреді. Олардың барлығы жоғары біліктілік пен санатқа ие.
Өңір басшысы Бердібек Сапарбаевпен әңгімелесу барысында дәрігерлер Жамбыл облысының Денсаулық сақтау жүйесінің даму деңгейі Татарстаннан еш кем түспейді деп мәлімдеді. Әкім ресейлік дәрігерлерге алғысын білдіріп, қиын уақытта бауырлас мемлекеттердің қолдауы қажет екенін айтты.
“Мені бұрыннан келе жатқан достық сіздің республикаңыздың басшылығымен байланыстырады. Мен бір кездері басшылық еткен Шығыс Қазақстан облысының Семей қаласында татар этносының өкілдері тығыз тұрады. Мұнда жыл сайын Сабантой мерекесі өткізіліп, оған әлемнің түкпір-түкпірінен татарлар шақырылды. Оған Татарстанның бұрынғы президенті Минтимер Шаймиев қатысты. Сіздердің республикаларыңыздың қазіргі басшылығымен серіктестік та, достық та қарым – қатынасты қолдағанымызға қуаныштымын”, – деді Бердібек Сапарбаев.
Ол Ресей, атап айтқанда Татарстан Республикасы, коронавирустық инфекциямен күресте жақсы нәтижелерге қол жеткізгенін, бұл дәрігерлердің еңбегі екенін айтты.
Сурет: inform.kz
