Жамбыл облысының әкімі Асқар Мырзахметов Шу ауданына жұмыс сапарымен барды. Бұл туралы облыс әкімдігінің баспасөз қызметі хабарлады.
Жұмыс сапары барысында аймақ басшысы 2015-2019 жылдарға арналған Индустрияландыру картасын жүзеге асыру аясында салынып жатқан “ШУ-100 МВт” күн электр станциясының құрылысымен танысты.
Облыс әкімдігінің ақпараты бойынша, бұл жобаны жүзеге асырумен Total Eren SA ірі француз электр энергиясын өндіруші компаниялар тобына жататын M-Kat Green компаниясы айналысуда.
Бұл электр станциясы Алға ауылдық округінде, Шу қаласының маңында тұрғызылып жатыр.Бүгінгі күні құрылыс жұмыстарының көлемі 45%-ға аяқталды, сондай-ақ нысанның құрылыс алаңына қажетті жабдықтардың 70%-дан астамы жеткізілді.
Келесі жылы электр станциясының құрылысы аяқталып, пайдалануға беріледі деп жоспарлануда. Бұл біздің елімізде бір өзекті жүйеде жұмыс істейтін күн фотоэлектрлік станциясының алғашқы жобасы.
Бұл электр станциясын іске қосу облыстық экономиканың тұрақтылығына қолдау болады және Шу ауданы тұрғындарының арасында еңбекпен қамтуды арттыруға мүмкіндік береді.
