Жамбыл облысының көп балалы және аз қамтылған отбасыларынан шыққан талапкерлер үшін бес жүзге жуық грант бөлінді. Бұл туралы «Хабар 24» ақпарат агенттігі жазады.
Енді талапкерлер қажетті мамандықтар бойынша тегін білім ала алады. Жамбыл облысында құжаттарды қабылдау бойынша арнайы комиссия құрылды. Республикалық іріктеуден өтпеген өңір жастары жергілікті атқарушы органдар конкурсына қатыса алады.
Сондай-ақ, биыл облыстық бюджеттен медициналық және ауыл шаруашылығы саласына 30 грант бөлінді.
«Мамандықтар мен жоғары оқу орындарын арнайы комиссияның шешімімен таңдалды. Республикалық байқауға 5 негізгі құжат тапсыру қажет. Ал атаулы әлеуметтік көмек алатын отбасы және көп балалы отбасылар растау анықтаманын ұсынуы тиіс», – деді облыстық білім басқармасының басшысы Рахия Тұрмаханбетова.
Сурет: 24.kz
