Жамбыл облысының бас санитарлық дәрігері Ғазиз Надуев аймақта індеттің таралуын болдырмау мақсатында карантиндік шараларды қатайту туралы шешім қабылданғанын мәлімдеді, деп хабарлайды “Қазақпарат” ақпарат агенттігі.
Газиз Надуев өткен аптада облыста аурудың өсу деңгейі 13,6%-ға жеткенін, осыған байланысты карантинді күшейту туралы шешім қабылданғанын айтты.
Сондықтан өңірде азаматтардың қозғалуы шектеледі, сондай-ақ қоғамдық көлік жұмысына тыйым салынады.
Сонымен қатар, сандәрігер республиканың оңтүстік аймағында кәмелетке толмағандарға ересектерсіз жүріп-тұруға тыйым салынатынын атап өтті.
Газиз Надуев облыста халыққа қызмет көрсету орталықтарының жұмысы шектелетінін, оларға 9:00-ден 16:00-ге дейін жұмыс істеуге рұқсат етілетінін айтты.
Бұған дейін Қазақстан БАҚ-тарында 1 шілдеден бастап Жамбыл облысында карантиндік шаралар жеңілдетілетіні хабарланған болатын. Коронавирустың таралуының алдын алу жөніндегі облыстық жедел штаб, эпидемиологиялық жағдай нашарласа, карантин қайтадан күшейтіледі деп ескерткен.
Соңғы мәліметтерге сәйкес, Жамбыл облысында коронавирустық инфекцияны жұқтырудың 476 оқиғасы тіркелді, ал Қазақстан бойынша олардың жалпы саны 14238-ге жетті.
