«Тараз» химиялық паркі » АЭА-да жоғары технологиялық химиялық зауыттар салынады, деп хабарлайды «ҚазАқпарат» ХАА тілшісі Жамбыл облысы әкімінің баспасөз қызметіне сілтеме жасай отырып.
Естеріңізге сала кетейік, «Химпарк Тараз» АЭА жобасы «Самұрық-Қазына» ҰӘҚ АҚ «Біріккен химиялық компания» ЖШС «TARAZ INVEST-2012″халықаралық форумында таныстырылды. ҚР Президентінің Жарлығымен Шу ауданында инвесторларға қолайлы жағдай, преференциялар мен жеңілдіктер, ресурстар мен инфрақұрылым, сондай-ақ 1,2 мың жұмыс орнын көздейтін арнайы экономикалық аймақ құрылды. Шу ауданында кәсіпорындарды салу үшін 505 га жер телімі бөлінді.
Келешекте АЭА аумағында жалпы жылдық қуаттылығы 2 млн тоннадан астам 25 бірлік химиялық өнім-каустикалық сода, хлор, глифосат, үш хлорлы фосфор, метанол, натрий құрғақ бутилдік ксантогенаты импортты алмастыратын химия зауыттары пайда болады деп күтілуде.
Екі жаңа өндіріс осы жылдың қыркүйек айының соңына дейін АЭА-да іске қосылмақ. Жобалардың жалпы құны 129,8 млрд теңге. Каустикалық сода мен хлор шығару бойынша бірінші кезекте іске қосылады. Мұнда 40 мың тонна каустикалық сода, 20 мың тонна кальций хлориді, 10 мың тонна кальций гипохлориті, 9,6 мың тонна тұз қышқылы және 3,2 мың Натрий гипохлориті шығарылады.
Бұдан басқа, гербицид, үш хлорлы фосфор, глифосфат, формулят, аммоний сульфаты, тұз қышқылы мен ас тұзын шығаратын интеграцияланған химиялық кешеннің бірінші кезегі іске қосылады деп күтілуде.
Арнайы экономикалық аймақ темір жол мен магистральды автожолға жақын орналасқан, жанында жоғары вольтты желілер өтеді. Шу ауданының Тасөткел су қоймасын сумен қамтамасыз етеді. Бүгінгі таңда АЭА — да инфрақұрылымдық нысандарды салу жүргізілуде, кірме жолдар іс жүзінде дайын, сыртқы электрмен және газбен қамтамасыз ету жұмыстары аяқталуда.
Бұл жобаны жүзеге асыру өңірдің әлеуметтік-экономикалық көрсеткіштерін жақсартады, салықтық түсімдерді арттырады, өнеркәсіптің аралас салаларын, шағын және орта бизнесті дамытуға мүмкіндік береді, жүздеген жаңа жұмыс орындарын ашады.
Сурет: 365info.kz
