Қазақстан министрлер кабинетінің басшысы Асқар Мамин Жамбыл облысына жұмыс сапарымен барып, биофармацевтикалық зауыттың құрылысын бастады, деп хабарлайды премьер-министрдің баспасөз қызметі.
Бұл зауыттың құрылысы Қордай ауданы Гвардейский елді мекенінде басталды. Кәсіпорын құрылысы аяқталғаннан кейін, онда иммунобиологиялық дәрілік препараттар, соның ішінде COVID-19-ға қарсы вакцина өндіріледі.
Зауыт пандемиялық тұмауға, туберкулезге, бруцеллезге, нодулярлық дерматитке және басқа да жұқпалы ауруларға қарсы вакцина шығаратын болады.
Бұл кәсіпорынның қуаты жылына биофармацевтикалық препараттардың шамамен 60 миллион дозасын өндіруге мүмкіндігі болады деп жоспарлануда.
Жоспарға сәйкес, биофармацевтикалық зауыттың құрылысын биылғы жылдың желтоқсан айында аяқтау жоспарланып отыр.
Бүгінгі таңда биологиялық қауіпсіздік проблемаларының қазақстандық ғылыми-зерттеу институты әзірлеген кандидаттық вакцина Дүниежүзілік денсаулық сақтау ұйымының тізіміне енгізілді және клиникаға дейінгі зерттеулерден сәтті өтуде.
Соңғы мәліметтер бойынша, біздің республикада коронавирусты жұқтырудың 13872 жағдайы ресми түрде тіркелді, олардың ең көбі Алматыда — 3005 жағдай анықталды.
Сурет: Inform.kz
