Жамбыл облысының полиция қызметкерлері үш күндік «Борышкер» операциясын өткізді. Бұл туралы облыстық полиция департаментінің баспасөз қызметі хабарлайды.
Баспасөз қызметінде атап өткендей, бірінші күні полиция қызметкерлері 83 автокөлікті Соттың қаулысы бойынша арнайы тұрақтарға жөнелтіп, 737 қарызгердің үйіне кіріп кеткен.
«Екінші күннің қорытындысы бойынша 2019 жылғы 904 әкімшілік материал бойынша өндіріп алынған сома 8,5 миллион теңгеден асты. Ал өткен жылдардың материалдарын есепке ала отырып, «Борышкер» арқасында мемлекет бюджетіне 11 миллионнан астам теңге түсті», — деп түсіндірді ведомстводан.
Баспасөз қызметінде «Борышкер» операциясының негізгі міндеті қала тұрғындарына әкімшілік айыппұл салу туралы қаулыларды орындау болып табылатындығын түсіндірді.
Сурет: my.ua
