Жамбыл облысы әкімінің міндетін атқарушы Асқар Мырзахметов осы жылы облыста мемлекеттік-жеке меншік әріптестік аясында 65 медициналық нысан салу жоспарланғанын мәлімдеді. Нәтижесінде тұрғындарды бастапқы медициналық-санитарлық ұйымдармен қамтамасыз ету 100% – ға жетеді.
Жамбыл облысында бүгінгі таңда 390 Денсаулық сақтау нысаны жұмыс істейді. Олардың 86-ы соңғы 5 жылда ғана пайда болды.
Қазақстан Республикасының Денсаулық сақтау саласын дамытудың 2016-2019 жылдарға арналған “Денсаулық” мемлекеттік бағдарламасы аясындағы жүйелі жұмыс өмір сүру ұзақтығының орташа көрсеткішін 71,1-ден 72,3 жасқа дейін арттыруға мүмкіндік берді.
Ауылдық жерлерде бастапқы медициналық көмек көрсетуде кадрлар тапшылығының өткір мәселесі біртіндеп шешілуде. 2018 жылы облысқа келген 122 жас мамандардың 102 – і ауылдық жерлерге жіберілді, оның ішінде 76 жас маман-жергілікті бюджет қаражаты есебінен, олардың әрқайсысы 1 млн.теңге көлемінде көтерме жәрдемақы алды.
Асқар Мырзахметов сондай – ақ 200 төсектік онкологиялық диспансердің құрылысы туралы да айтып берді. 2019 жылы бұл құрылысқа 3 млрд теңге қарастырылған, құрылыс жұмыстарының 30% аяқталды, 800 млн теңге игерілді.
