Жамбыл облысында әдеп жөніндегі облыстық Кеңестің отырысы өтті, онда Қаратау қаласының әкімі Қайрат Серімов пен оның қарамағындағы екі Арайлым Тулбаева мен Ұлбосын Қоңырбаеваға қатысты тәртіптік іс қаралды.
Іс материалдарына сәйкес, облыстың сыбайлас жемқорлыққа қарсы қызметіне кәсіпкер шағымданған. Ол Қаратау қаласы Әкімдігінің қызметкерлеріне шағымданған. Олар кәсіпкерге Қаратау қаласы әкімі аппараты мен кәсіпкер арасында 4,2 млн теңге сомаға қызмет көрсету шартын орындау туралы құжаттарды беруден бас тартқан. Бұл мәселені «шешу» үшін әкімдік шенеуніктері кәсіпкерге қала әкімі түскі ас ішетін мейрамханадағы есеп-шотты төлеуді ұсынады. Әкім тамақтанған сома 200 мың теңге болады. Кәсіпкер түстің бір бөлігін-150 мың теңге төлеуді ұсынды, бірақ қалалық әкімдіктің қаржы-шаруашылық және әлеуметтік бөлімінің маманы Арайлым Тулбаева бұл ұсынысты қабылдамйады, кәсіпкер шотты толық төлемейінше, құжаттарын ала алмайтынын айтқан.
Сыбайлас жемқорлыққа қарсы қызметі арнайы іс-шаралар жүргізіп, кәсіпкердің дұрыстығын, ал әкімшілік қызметкерлерінің сыбайлас жемқорлық іс-әрекеттерін дәлелдеген. Шенеуніктердің заңсыз әрекеттерінің дәлелдері бар бейне әдеп жөніндегі кеңес мүшелеріне көрсетілді.Сонымен қатар, бұл А. Тулбаева тарапынан кәсіпкерлерден ақша бопсалаудың алғашқы фактісі емес. Бұған дейін ол жергілікті кәсіпкерді әкімдік автокөлігіне жанар-жағар май сатып алуға» көндірген.
Қала әкімі өз қарамағындағы қызметкерлердің заңсыз әрекеттері туралы біле тұра, олардың іс-әрекеттерінің жолын кесу бойынша шаралар қолданбады және сол арқылы қызметтік өкілеттіліктерді асыра пайдаланды.
«Осы арқылы Жамбыл облысы бойынша сыбайлас жемқорлыққа қарсы іс – қимыл жөніндегі ұлттық бюро барлық үш адамның іс-әрекетінде «Мемлекеттік қызмет туралы» ҚР заңының 50-бабы 1-тармағының 2) тармақшасына сәйкес мемлекеттік қызметке кір келтіретін тәртіптік теріс қылық белгілері бар», — делінген ұсыныста.
Әдеп жөніндегі кеңес облыс әкімі Қ. Серімовке қызметіне толық сәйкес еместігі туралы сөгіс жариялауды ұсынды. Ал шенеунік Арайлым Тулбаева-әкімдік жұмысынан босатылды.
Сулет: ztb.kz
