Damdes Kurylys Invest құрылыс компаниясының қызметкерлері екі ай бойы өз еңбегіне тиесілі жалақысын ала алмады, бірақ журналистерге жүгінгеннен кейін жағдай бірден жақсы жаққа өзгерді.
Қазір бұл компания «Шымкент-сити» деп аталатын шағын ауданда үйлер салумен айналысуда. Құрылыс «Нұрлы жер» мемлекеттік бағдарламасы бойынша жүргізіліп жатыр.
Құрылысшылар алғашқы айда жалақыларын кешіктірсе де, қатты уайымдамай, жұмысын жалғастыра бергенін айтты. Алайда, жұмыс беруші келесі айда да ақша төлемегенде, жұмысшылар ереуілге шығып, жалақысын талап ете бастады.
«Ойланыңыз, 57 күн бір тиын алмадық. Біреудің бензині бітеді, біреудің отбасында проблема, біреуге несие төлеу керек. Мектеп жақындап келеді, олар бізге шыдамдылық танытыңдар дейді. Бірақ бізде ол жоқ. Біз 10 қабатты аяқтадық. Енді, мүмкін, оны бұзатын шығармыз, тегін жұмыс істемейміз бе?»- деді ереуілге шыққан құрылысшылардың бірі Нұрбек Қаныбеков.
Құрылыс алаңындағы жұмыс екі күнге тоқтады. Жұмыс беруші жалақы туралы үнсіз қалды, осыған байланысты жұмысшылар жергілікті Otyrar.kz телекомпаниясының редакциясына жүгінуге шешім қабылдады және олар қателескен жоқ. Журналистер ереуіл өтетін жерге келгеннен кейін, бір сағат өткен соң компания басшылығы ақша тауып, құрылысшылар ақыры жалақыларын алды.
Damdes Kurylys Invest өкілдері журналистерге түсініктеме беруден бас тартты.
Сурет: liter.kz
