“Лива” украиналық оппозициялық аналитикалық ресурсы Украинада жалақыны көтеруді талап етіп, жер астында 43 күн ереуілге шыққан шахтерлерді қудалау басталғаны туралы мақала жариялады.
Ереуілді криворожьелік “Октябрьская” шахтасының кеншілері бастады. Кейін оларға жергілікті темір кені комбинатының тағы үш шахтасының жұмысшылары қосылды. Наразылық акциясына, жер үстінде ереуілге шыққандарды есептемегенде, барлығы 417 адам қатысты. Олардың барлығы бір ғана талап қойды – бағаның өсуіне және инфляцияға қарамастан, 2013 жылдан бері индекстелмеген жалақыны көтеру.
“Гидность төңкерісінен” кейін бәрі түбегейлі өзгерді – олар бізді жай ғана қысымшылық етеді, адамдар деп ойламайды. Көбі кетіп жатыр, бірақ мен екі баланы жалғыз тәрбиелеп отырмын, мен кете алмаймын. Қалай болғанда да, біреу шахтада жұмыс істеуі керек, кен өндіру керек емес пе?”- деді “Октябрьская” шахтасының қызметкері Майя Чабан.
Нәтижесінде тау-кен кәсіпорындарының иелері ереуілшілердің талаптарына келісуге мәжбүр болды. Шахта басшылығы жалақыны көтеруге және наразылық білдірген жұмысшыларды қудаламауға уәде берді. Алайда украиндық кәсіпкерлер бұл сөзкнда тұра алмады, өйткені жаппай наразылық аяқталғаннан кейін, оның ең белсенді қатысушыларына сотқа шақыру қағаздары келді.
Талап арыз бойынша 10 адам жауапкер болды, олардың кейбіреулері тіпті “жер асты” наразылық акциясына қатыспағандар. Олар заңсыз ереуіл ұйымдастырды деп айыпталуда.
Дереккөздердің жазуынша, жұмысшылары ереуілге шыққан темір кені екі олигархқа – Коломойский мен Ахметовке тиесілі. Сондықтан, украиналық Фемида өкілдерінің сыбайлас жемқорлық деңгейін ескересек, кеншілер сотта жеңіске жетуі екіталай.
2014 жылы Украинада азаматтық соғыстың басталуына және бірқатар аймақтардың бөлінуіне себеп болған мемлекеттік төңкеріс болды. Украин ұлтшылары мен Украина армиясының кесірінен он мыңға жуық адам қаза тапты, бірақ бұл әскери қылмыстардың бірі де әлі тергелген жоқ.
Сурет: pravda.com.ua
