Қазақстан үкіметі басшысының төрағалығымен Жаңғырту жөніндегі ұлттық комиссияның отырысы өтті.Отырысқа Мәжіліс спикері Нұрлан Нығматулин қатысты. Бұл туралы премьер-министрдің баспасөз қызметі хабарлады.
Отырыс барысында Қазақстан президенті Қасым-Жомарт Тоқаевтың Қазақстан халқына жолдауын жүзеге асыру жөніндегі жалпыұлттық іс-шаралар жоспарын орындау мәселелерін талқылады.
Отырысқа қатысушылардың алдында сөйлеген сөзінде премьер-министр жаңғырту жөніндегі ұлттық комиссияның қызметі біздің еліміздің Тұңғыш Президенті Нұрсұлтан Назарбаевтың бақылауында екенін атап өтті.
“Президент Қасым-Жомарт Тоқаев өз жолдауында комиссия қызметін қайта жандандыруды тапсырды. Өткен отырыста біз 2019-2020 жылдарға арналған комиссияның жұмыс жоспарын әзірледік.Ол қазіргі уақытта Президентпен келісілді”-деді Мамин.
Сондай-ақ, кездесуде ел азаматтарының өтініштерімен жұмыстың тиімділігін арттыру бойынша жүргізіліп жатқан іс-шаралардың нәтижелері қаралды және теміржол тасымалы саласындағы тарифті белгілеу, тұтынушылардың құқықтарын қорғауды жетілдіру және жақсарту мәселелері талқыланды.
Комиссия қазақстандықтардың қаржы ұйымдары алдындағы берешектерін шамадан тыс асырмау шараларын қарады. Сонымен қатар, тараптар мемлекеттік атаулы әлеуметтік көмек көрсетуге бағытталған тетіктерді жақсарту мәселелерін талқылады.
“Мемлекет басшысы өз жолдауында тиімді қоғамдық диалог пен адамдардың қажеттілігіне жедел әрекет ету мемлекеттік органдар қызметінің басты басымдығы болып табылатынын атап өтті. Бүгінгі талқылауды ескере отырып, алдымызға қойылған міндеттерді сапалы орындауда нақты шаралар қабылдау қажет”, – деді премьер-министр.
