Елімізге танымал экономист, президенттің бұрынғы кеңесшісі Олжас Құдайбергенов 2021 жылдың 10 қаңтарына жоспарланған алдағы сайлау аясында саяси құрылымдардың жандануына қатысты өз пікірін білдірді.
Сарапшы екі ай бұрын Nur Otan-ды айтпағанда, қазақстандық партиялар мүлдем белсенділік танытпағанын атап өтті. Құдайбергеновтың айтуынша, қазір саяси бірлестіктер өздерінің тактикасын өзгертіп, сайлауға қатысуға көптеген үміткерлерін ұсынды.
“Егер бұрын негізінен функционерлер, сала өкілдері алынса, қазір тізімде лауазымдары жоқ тұлғалар бар. Көбі қоғам қайраткерлері. “Ауыл” партиясында Қанат Тасыбеков (жазушы, қазақ тілін оқыту әдістемесінің авторы) бар. Nur Otan-да Саясат Нұрбек (білім беру жобаларының жетекшісі) бар. Оларға қоғам сенеді. Сондықтан саяси алаң жандануда”, – деді Құдайбергенов.
Сонымен бірге, экономист сайлауы аяқталғаннан кейін, партиялар бұрынғы тактикаға қайта оралып, белсенділік танытпаса, жұртшылықтың оларға деген сенімі жойылатынын атап өтті.
Бүгінгі таңда Қазақстанда ресми тіркелген 6 партия бар. Олар: Nur Otan, “АҚ жол” Демократиялық партиясы, халықтық партия, Жалпыұлттық социал-демократиялық партия, “Ауыл” саяси партиясы және “Адал” партиясы. Депутаттық орындар үшін 5 саяси құрылым күресетін болады. ЖСДП сайлауға қатысудан бас тартты. Бұл шешім партияның кезектен тыс съезінде қабылданды.
