Оралда кіре берістері карантинге жабыллған үйдің тұрғындары азық-түлік, дәрі-дәрмек сатып алу үшін полицейлер шығармайтынына шағымданды, деп хабарлайды zakon.kz жаңалықтар арнасы.
Солтүстік-Шығыс, 15 мекен-жайы бойынша орналасқан тұрғын үйдің кіреберісі карантинге бір апта бұрын жабылды, ішкі істер органдарының қызметкерлері бұл үйден ешкімге кіріп-шығуға рұқсат бермейді.
Осы үйдің тұрғындарының бірі Қайрат Шарамбаев полицейлер карантиндік тәртіп ережесінде қарастырылғандай, азық-түлік пен дәрі-дәрмек сатып алу үшін тіпті бір адамды шығаруға рұқсат бермейтінін айтты.
«Әкімдікке қоңырау шалдық, телефондарын көтермейді, Call-орталыққа 1414 нөмірі бойынша қоңырау шалдық, олар 1409-ға хабарласыңыз, ол жерден 109 нөмірі бойынша қоңырау шалыңыздар дейді.Бізге ештеңе айтпайды. Шыдамымыз таусылуға жақын. Азық-түлік те. Жақын арада ас дайындайтын ештеңе калмайды», — деді Шарамбаев.
Бұл жөнінде Батыс Қазақстан бойынша тауарлар мен қызметтердің сапасы мен қауіпсіздігін бақылау департаменті кіреберіс екі апта мерзімге жабылды деп мәлімдеді.
Сонымен қатар, департаментте үйден бір адам бірінші кезекте қажетті тауарларды сатып алу үшін шығуға құқығы бар екенін айтты.
Батыс Қазақстан облысы полиция ведомствосының өкілдері өз кезегінде ішкі істер органдарының қызметкерлері бұл үйден бір адамның шығуына рұқсат беретінін мәлімдеді.
Сурет: m.ru.sputniknews.kz
