Жаңаөзен қаласының орталық алаңында еліміздің аумағында қытай зауыттарының құрылысы жүргізілмеуін талап етіп 500-ге жуық белсенділер жиналды.Адамдар кәсіпорын құрылысы аяқталғаннан кейін жаңа жұмыс орындарына қытайлықтардың келуінен қауіптенеді.
Осыған байланысты Маңғыстау облысының әкімі Серікбай Трұмов белсенділермен кездесу өткізіп, олардың талаптарын тыңдап, еліміздің аумағында Қытай зауыттары құрылмайтынын айтты.Өз кезегінде, наразылық білдірушілер қала алаңында қарсылықтарын жалғастырды.
Белсенділері Маңғыстау облысы әкімінің уәдесіне сенбейтінін мәлімдеді.Олар Қазақстан президенті Қасым-Жомарт Тоқаевтан нақты жауап алғанша, Жаңаөзен алаңында күн сайын наразылық акциясын өткізетінін айтты.
«Қараңыз,бізде қанша жастар бар,ал жұмыс жоқ. Әкімге сенбейміз, президент зауыттардың салынбайтынын растағанша күн сайын осында тұратын боламыз», — деді Жаңаөзен қаласының тұрғыны Нұрсұлтан Түгелов.
Ақтау қаласының тұрғыны Нұрияш Әбдіреева бұл жөнінде өз пікірін білдірді: » Маңғыстау облысында Қытай зауыттары салынатын болса, қазақтар болмайды. Жұмыс болмайды, біз құл боламыз. Ең қиын жұмыс істеп, табысымыз 10 есе аз болады. Зауыттарды өзіміз салуымыз керек. Біз қытайлықсыз өмір сүрдік және одан әрі оларсыз өмір сүреміз».
Сурет: lada.kz
