Қазақстан Парламенті “Қазақстан Республикасының кейбір заңнамалық актілеріне халықты жұмыспен қамту мәселелері бойынша өзгерістер мен толықтырулар енгізу туралы” заңды қабылдады.
“Заң жобасының негізгі жаңалығы 2019 жылдың 1 қаңтарынан бастап бірыңғай жиынтық төлемнің (БЖТ) жаңа құқықтық режимін енгізу болып табылады. БЖТ барлық жұмыс істейтін азаматтар үшін төрт міндетті төлемді бір жолғы төлемге ауыстырады. БЖТ төлеушілері үшін Республикалық маңызы бар қалалар, Астана және облыстық маңызы бар қалалар үшін 1 АЕК мөлшерінде және басқа елді мекендердің тұрғындары үшін 0,5 АЕК деңгейінде екі есе төмен табыс салығы мен әлеуметтік төлемдер бойынша ең төменгі мөлшерлеме белгіленді”, – деді Еңбек және халықты әлеуметтік қорғау министрі Мәдина Әбілқасымова заң жобаларын депутаттарға ұсына отырып.
Бірыңғай әлеуметтік төлем: 10% ЖТС, 20% – әлеуметтік сақтандыру, 30% – зейнетақы төлемдері, 40% – медициналық сақтандыру қорына жарналар.
“БЖТ мынадай шарттарды сақтай отырып, табыс алу мақсатында қызметті жүзеге асыратын жеке тұлғаларға қолданылады: жалдамалы қызметкердің еңбегін пайдаланбайды, жеке тұлғалар үшін жұмыстарды, қызметтерді орындайды. БЖТ СОО аумағында қызмет көрсететін жеке тұлғаларға, жеке практикамен айналысатын тұлғаларға, тұрғын үйді қоспағанда жалға беретін тұлғаларға,оралмандарды қоспағанда, шетелдіктерге және азаматтығы жоқ тұлғаларға, ЖК тіркелген адамдарға қолданылмайды”, – деп түсіндірді М. Әбілқасымова.
Министрліктің мәліметінше, бұрын өз бетінше жұмыспен айналысушылар санатына жататын 500 мың қазақстандық жаңа салық төлейтін болады. Мемлекеттік органдар жаңа салықты енгізу, оны төлегендердің пайдасына жұмсалады деп айтуда.
Министрдің айтуынша, жаңа салықты өз бетінше жұмыспен айналысушылар, қазіргі уақытты оларда жоқ, әлеуметтік қорғалу құқығына ие болады.
Сонымен қатар, азаматтарды жаңа салық төлеуге ынталандыру мақсатында мемлекеттік органдар несие беру үшін азаматтардың міндетті түрде зейнетақы аударымдарының болуын талап ететін банктерді барынша көтермелейді. Осылайша, жеке кәсіпкерге айналым қаражатын толтыру үшін несие алу, БЖТ төлемінсіз мүмкін болмайды.
Сулет: abctv.kz
