Көп балалы аналар Республика Президенті резиденциясының ғимаратына жақын жерде наразылық акциясын өткізді. Әйелдер атаулы әлеуметтік көмек тағайындаудың жаңа форматына қарсылық білдірді. Бұл туралы “ҚазТАГ” ақпарат агенттігі жазады.
Әйелдер Қасым-Жомарт Тоқаевпен жеке кездесу үшін мемлекет басшысының резиденциясына өтуге тырысты, алайда қауіпсіздік қызметі оған мүмкіндік бермеді.
Наразылық білдірген әйелдер атаулы әлеуметтік көмектің жаңа форматына көңілі толмайтынын мәлімдеді, себебі ол ақша инфляцияның тұрақты өсуіне байланысты азық-түлік пен бірінші қажеттілік заттарын сатып алу үшін жетіспейді.
Осыған байланысты олар билік отбасындағы балалардың санына қарамастан, 21 мың теңгелік, атаулы әлеуметтік көмек төлеуді қайтаруды талап етті.
Мұндай акция соңғы уақытта бірінеше рет өткізілді. Көп балалы аналар атаулы әлеуметтік көмекке қатысты заңнамаға түзетулер қабылданғаннан кейін наразылыққа шыға бастады.
Бұған дейін Үкімет басшысының орынбасары Бердібек Сапарбаев әрбір балаға 20 мың теңгеден төлеу экономикалық тұрғыдан ақылға қонымсыз екенін мәлімдеген.
Сурет: vlast.kz
