Nur Otan билеуші партиясы басшысының орынбасары Бауыржан Байбек birgemiz қорының қаражатынан 50 мың теңге көлемінде біржолғы материалдық көмек тағы кімге көрсетілетінін айтты. Бұл туралы nur.kz ақпарат агенттігі хабарлады.
Ол қазіргі уақытта Тұңғыш Президент Нұрсұлтан Назарбаевтың бастамасымен құрылған Birgemiz қоры мұқтаж қазақстандықтарға көмек көрсетуді жалғастырып жатқанын хабарлады.
Nur Otan төрағасының орынбасарының айтуынша, бірінші және екінші кезеңінде 360 мыңнан астам отбасы 50 мың теңге көлемінде біржолғы төлемді алды.
Байбек қазір көмек көрсетудің үшінші кезеңін өткізіп, оның аясында еліміздің шағын қалаларында тұратын 110 мың отбасына қаржылай қолдау көрсету жоспарланып отырғанын атап өтті.
Сондай-ақ Бауыржан Байбек Birgemiz қорының қызметі ірі меценаттар тарапынан сенім тудырғанын, осыған байланысты қосымша қаражат түсу күтілуде екенін айтты.
Birgemiz қоры коронавирустық инфекцияның таралуына байланысты Қазақстан азаматтарына қолдау көрсету мақсатында Нұрсұлтан Назарбаевтың бастамасымен құрылды.
Сурет: sputniknews.kz
