Беларуссия астанасында, Тәуелсіз Мемлекеттер Достастығының Атқарушы комитетінде ТМД елдерінің сарапшыларының қатысуымен отырыс өтті. Бұл туралы Достастық Атқару комитетінің баспасөз қызметі хабарлайды.
Кездесу жұмыспен қамтуға жәрдемдесу саласындағы ынтымақтастық туралы келісім жобасын талқылау үшін ұйымдастырылды. Оған Қазақстан, Қырғызстан, Армения, Беларусь, Ресей, Тәжікстан және Өзбекстан сарапшылары және ТМД Атқарушы комитетінің өкілдері қатысты.
Кездесу барысында Достастыққа мүше мемлекеттердің мамандары ТМД елдерінен осы Келісімге қатысты келіп түскен ұсыныстарды қарап, содан кейін құжат бойынша келісті.
Сондай-ақ отырыс аясында Достастық елдерінің, оның ішінде Қазақстан Республикасының өкілдері, осы құжатты қабылдауға мүдделілігін растады.
Кездесу соңында сарапшылар келісілген құжатты белгіленген тәртіппен Достастық Үкімет Басшылары Кеңесінің қарауына жіберу туралы шешім қабылдады.
ТМД Атқару Комитетінде халықты жұмыспен қамтуға жәрдемдесу саласындағы ынтымақтастық туралы келісім Достастыққа мүше мемлекеттердегі жұмыссыздық деңгейін төмендетуге бағытталғаны айтылды.
