Жүк жөнелтушілер мемлекет аумағында төтенше жағдай болуына байланысты бірқатар алымдардан, айыппұлдардан және төлемдерден босатылады. Бұл туралы «Қазақстан темір жолы»ұлттық компаниясының баспасөз қызметі хабарлады.
ТЖ режимінің қолданылу уақытында жүктерді тасымалдау жоспары бойынша өтінімді орындамағаны үшін айыппұлдар, жүктерді он есе мөлшерде сақтағаны үшін алымдар, жалпы парктің контейнерлері мен вагондарын пайдаланғаны үшін төлемақы және маневрлік локомотивтің жүргені үшін алымдар есептелмейді.
Жалпы жүк жөнелтушілер 500 миллион теңгеден астам сомаға айыппұл, төлем және алымдардан босатылады.
Бұған дейін «Қазтеміртранс» уақытша жүк паркі елде төтенше жағдай режимі әрекет еткен кезде тиеу және түсіру кезінде кірме жолдарда вагондардың тұрып қалғаны үшін ақша алуды тоқтатты.
Сурет: ru.sputniknews.kz
