Қарағанды облысы полиция департаментінің қызметкерлері Жәйрем тау-кен байыту комбинатында біздің және шетелдік қызметкерлер арасындағы қақтығыс фактісі бойынша сотқа дейінгі тергеу басталғанын айтты. Бұл туралы «ҚазТАГ» ақпарат агенттігі жазады.
«12 тамызда Қарағанды облысының Жәйрем кентінде тау-кен байыту комбинатының жұмысшылары арасында тұрмыстық жанжал болды. Жанжал барысында қатысушылар жеңіл дене жарақатын алды. Аталған факті бойынша ҚР ҚК 293-бабының 3-бөлігі (бұзақылық) бойынша сотқа дейінгі тергеу басталды. Тергеу органдары болған оқиғаның барлық мән-жайын анықтайды», – деп хабарлады полицейлер.
Қазір кентте тыныш, жағдай полиция департаменті қызметкерлерінің бақылауында.
«ҚР ҚПК 201- бабына сәйкес өзге ақпарат жарияланбайды», – деп қорытындылады полицейлер.
Сурет: ukrinform.ru
