Ақмола облысының сыбайлас жемқорлыққа қарсы қызметінің қызметкерлері Зеренді ауданының әкімі мен оның орынбасарлары пара алғаны үшін сотталғаны туралы мәлімет берді. Бұл туралы “Қазақпарат”ақпарат агенттігі хабарлайды.
“Ақмола облысының сыбайлас жемқорлыққа қарсы қызметі Зеренді ауданының әкімі М. Мұстафинге, оның орынбасарлары К. Жақыповқа және Э. Мұқашевқа қатысты сотқа дейінгі тергеуді аяқтады. Аталған тұлғалар жеке компаниялардың директорларынан жер учаскесін жалға алу мерзімін ұзарту және оларға тиесілі емес учаскеде дәнді дақылдарды егу бойынша шаралар қолданбағаны үшін жалпы құны 1,5 млн. теңге тұратын 3 млн. теңге, 2 жылқы және 3 бас ірі қара малы алды. Ағымдағы жылғы 19 маусымда Зеренді аудандық сотының үкімімен Мұстафин 3 жылға, Мұқашев 1 жылға 6 айға бас бостандығынан айырылып, Жақыпов 4 млн.теңге көлемінде айыппұл салынып сотталды”, – деп хабарлады Ақмола облысының сыбайлас жемқорлыққа қарсы қызметінде.
Сонымен қатар, сотталғандар мемлекеттік қызмет атқаруға және жергілікті өзін-өзі басқару органдарында жұмыс істеу құқығынан айырылды.
Сурет: Inform.kz
