Бүгіннен бастап “Ташкент — Нұр-сұлтан — Ташкент” әуе бағыты бойынша ұшу саны аптасына 2 есеге дейін артты. Бұл туралы Қазақстан Республикасы мен Өзбекстанның авиациялық ведомстволары келісті, деп еліміздің көлік және коммуникация министрлігінің баспасөз қызметі хабарлады.
Тараптар екі елдегі санитарлық-эпидемиялық жағдай жақсарғаннан кейін тиісті шешім қабылдады.
“Узбекистон хаво йуллари” компаниясы осы бағыт бойынша аптасына 2 рет – сейсенбі және жұма күндері тұрақты әуе рейстерін жүзеге асыруға ниетті. Қазақстандық тараптан осы рейс бойынша ұшуларды “Эйр Астана”әуе тасымалдаушысы орындайды.
Коронавирустық инфекция эпидемиясына байланысты үзілген екі ел арасындағы әуе қатынасы өткен жылдың қыркүйегінде қайта басталды.
Бұған дейін Қазақстан мен Өзбекстан арасында жоғары жылдамдықты магистралды іске қосуға ниетті екендігі айтылған болатын.
Екі ел арасындағы көлік қатынасы мәселелерін талқылау Қазақстан Республикасы Индустрия және инфрақұрылымдық даму министрлігінің басшысы Бейбіт Атамқұловтың, сондай-ақ Өзбекстанның біздің елдегі Төтенше және Өкілетті Елшісі Саидикрам Ниязходжаевтың кездесуі кезінде өтті. Диалог барысында кездесуге қатысушылар өнеркәсіп саласындағы бірлескен жобаларға да назар аударды.
