Еуразиялық экономикалық одақ мемлекеттерінің басшылары Өзбекстан мен Кубаға ЕАЭО жанындағы бақылаушы мәртебесін беруді қолдады, деп хабарлайды «ҚазАқпарат» жаңалықтар ресурсы.
Бұл шешім бүгін бейнеконференция байланысы арқылы өткен Жоғары Еуразиялық экономикалық кеңестің отырысында қабылданды.
Беларусь Президенті Александр Лукашенко одақ елдері басшыларының атынан өзбекстандық және кубалық әріптестерін ЕАЭО жанындағы байқаушы мәртебесін алуымен құттықтап, бұл осы мемлекеттер мен Одақ арасындағы ынтымақтастықтың дамуына елеулі серпін беретініне сенім білдірді.
Сонымен қатар, бірқатар сарапшылар Өзбекстан мен Кубаның ЕАЭО жанындағы байқаушы мәртебесін алуы одақ елдеріне оң әсер етеді деп санайды, өйткені осының экспорт үшін жаңа нарықтар ашумен қатар, олармен түрлі салаларда өзара іс-қимылды кеңейтуге мүмкіндік береді.
ЕАЭО 2015 жылы құрылды. Одақ құрамына Қазақстан, Ресей Федерациясы, Қырғызстан, Беларусь және Армения кіреді.
Сурет: rospatent.gov.ru
