Өзбек дипломатиялық ведомствосы басшысының орынбасары Ильх Нематов Өзбекстанның Еуразиялық экономикалық одаққа кіруіне байланысты өз пікірін білдірді. Бұл туралы Өзбекстан Республикасы СІМ баспасөз қызметі хабарлады.
Оның айтуынша, бүгінгі таңда бұл сұрақ еліндегі ең талқыланып жатқан мәселе болып табылады. Сонымен қатар, ол Өзбекстанға ЕАЭО-ға кіру және оның шеңберінде одаққа қатысушы елдермен ынтымақтастықты нығайту өте тиімді болар еді деп мәлімдеді.
Өзбекстан министрінің орынбасары қазіргі таңда Өзбекстанда экономика, өнеркәсіп және ауыл шаруашылығы белсенді дамып келе жатқанын, бұл экспорттың өсуіне әсер етеді, алайда Ресей, Қырғызстан және Қазақстанның нарығы қажет екенін түсіндірді. Сондықтан ол Өзбекстан Республикасына ЕАЭО-ға қосылу қажет екеніне сенімді.
«Тағы бір маңызды фактор – демография. Халық өсіп келеді, жыл сайын 700 мың қосылады. Әрине, біз 700 мыңды түгелдей жұмыспен қамтамасыз ете алмаймыз. Ал бұл неге әкеледі? Көшіп-қонуға. Ал біздің халқымыз қайда қоныс аударады? Ресейге, Қазақстанға. Бұл фактор да Өзбекстанның ЕАЭО-мен тығыз байланыстарын қолдауға себеп болады. Онда мүше елдер үшін басқа, мигранттар үшін басқа шарттар. Сондықтан осы жағдайларға сүйене отырып, шешім қабылдау керекпіз», — деді министрдің орынбасары.
Сурет:Turkishnews.com
