Қызылорда облысында тұратын Ұлы Отан соғысының барлық қатысушыларына Жеңіс күніне орай материалдық көмек көрсетіледі. Бұл туралы облыстық жұмыспен қамтуды үйлестіру және әлеуметтік бағдарламалар басқармасының баспасөз қызметі хабарлады.
606 мың теңгелік материалдық көмекті ардагерлерге ағымдағы жылдың сәуір айынан төлей бастайды. Қазір өңірде Ұлы Отан соғысына қатысқан 20 ардагер бар.
Сондай-ақ, облыста тыл еңбеккерлеріне берілетін материалдық көмек көлемі белгленді. Олардың әрқайсысы 179,5 мың теңгеден алады.
Сонымен қатар, Қызылорда облысында қайта некеге тұрмаған ардагерлердің жұбайларына ақшалай қаражат төленеді. Олар 100 мың теңге көлемінде материалдық көмек алады.
Сондай-ақ, облыс ардагерлері Нұр-Сұлтан мен Мәскеудегі Жеңістің 75 жылдығына арналған шерулерге қатысуы үшін республикалық бюджеттен 4,7 миллион теңге бөлінді.
Қызылорда облысының әкімдігі хабарлағандай, қазір Нұр-Сұлтан мен Мәскеуге шеруге аттанғандардың тізімі анықталды. Сапарға дайындық жүріп жатыр.
Сурет: today.kz
