Сыбайлас жемқорлыққа қарсы қызмет қызметкерлері «ҚТЖ ҰК-Жүк тасымалы» АҚ Қызылорда станциясы бөлімшесінің бастығы пара алғаны үшін сотталып,айып төлейтін болды. Бұл туралы сыбайлас жемқорлыққа қарсы ведомствоның баспасөз қызметі хабарлады.
«Шолтабаев Р. кәсіпкерлерден жүк вагондарын жедел беру және жинау үшін бірнеше рет пара алды. Ағымдағы жылдың 10 шілдесінде Қызылорда қаласының № 2 сотының үкімімен Р. Шолтабаевқа 2,9 млн.теңге көлемінде айыппұл салынды. Сот үкімі заңды күшіне енген күннен бастап 1 ай ішінде айыппұл төлеу мерзімін белгілеп, айыппұл төленбеген жағдайда жаза бас бостандығынан айыруға ауыстырылатынын түсіндірді», – деп хабарлады сыбайлас жемқорлыққа қарсы іс-қимыл агенттігінде.
Сыбайлас жемқорлыққа қарсы күрескерлер сотталған адам мемлекеттік қызметте өзінің еңбек ету құқығынан айырылғанын, сондай-ақ ол құқық қорғау органдарында жұмыс істей алмайтынын айтты.
Сурет: Vsednr.ru
