Қызылорда облысының жаңа әкімі болып Қуанышбек Ысқақов тағайындалды. Тиісті Жарлыққа Қазақстан президенті Қасым-Жомарт Тоқаев қол қойды. Бұл туралы Ақорданың баспасөз қызметі хабарлады.
“Қуанышбек Досмаилұлы Ысқақов Қызылорда облысының әкімі болып тағайындалсын”, – делінген Жарлық мәтінінде.
Ысқақовтың заңтану, экономика, бухгалтерия және инженерия саласында білімі бар. Ол өз мансабын 2000-2003 жылдары Қызылорда облысының Салық комитеті төрағасының орынбасары қызметінен бастады. Облыс әкімі тағайындалғанға дейін ол экономикалық, қаржы және әлеуметтік салаларда мәселелерімен айналысатын әкімнің орынбасары болды.
