Қызылорда облысында аймақтық актив жиналысы өтті, оның барысында Қазақстан Республикасының Президенті Қасым-Жомарт Тоқаев Қазақстан халқына Жолдауын жүзеге асыру аясындағы бірінші кезектегі міндеттер қаралды. Бұл туралы облыс әкімдігінің баспасөз қызметі хабарлады.
Отырыс басында облыс әкімі Қуанышбек Ысқақов Қазақстан халқының әл-ауқатын жақсарту және елдің әлемдік көшбасшылар қатарына кіруі туралы мәселе Қасым-Жомарт Тоқаевтың жеке бақылауында екенін атап өтті.
Қуанышбек Ысқақов Мемлекет басшысы 2025 жылға қарай жалпы ішкі өнімнің жыл сайынғы тұрақты өсуін 5% – ға дейін және одан да жоғары арттыруды тапсырды.
“Индустрияландыру бағдарламасының бірінші және екінші бесжылдығы аясында өңірде 150 млрд теңгенің 24 жобасы жүзеге асырылып, 1,6 мың жұмыс орны ашылды. Нәтижесінде өнеркәсіп өндірісі көлеміндегі өңдеу өнеркәсібінің үлесі 2010 жылғы 4,3% – дан 2018 жылы 12,6% – ға дейін, яғни 3 есе өсті. Соңғы 3 жылда шикізаттық емес экспорт көлемі 3 есеге өсті. Екінші бесжылдық аясында 28 жобаның 7 жобасы іске қосылды, жылдың соңына дейін тағы 4 жоба іске қосылады”, – деді әкім.
Ысқақовтың айтуынша, Тоқаев өз Жолдауында әлеуметтік жаңғырту мәселесіне ерекше назар аударды.
“3 жыл ішінде қызылордалық түлектердің 97% университеттер мен колледждерге түсті. Қазіргі уақытта облыс экономикасын білікті кадрлармен қамтамасыз ету үшін мемлекеттік білім беру тапсырысы өңірдің мамандарға деген қажеттілігіне негізделген. Нәтижесінде 2019-2020 оқу жылында 22 жаңа мамандық ашылды. Облыстың еңбек ресурстарының теңгеріміне сәйкес өңір үшін қажетті жаңа мамандықтар құру және түлектерді тұрақты жұмыс орындарына орналастыру бойынша жұмысты жандандыру қажет”, – деп атап өтті аймақ басшысы.
Облыстық актив отырысының қорытындысы бойынша Қуанышбек Ысқақов Мемлекет басшысының Қазақстан халқына Жолдауында айтылған міндеттерді жүзеге асыру бойынша тиісті ведомстволардың басшыларымен бірқатар тапсырмалар берді.
