Қызылорда облысында келесі жылы еріктілер лагері мен студенттік еріктілер қозғалысы құрылады. Олардың басты міндеті мүгедектерге, жетімдерге, зейнеткерлерге және жалғыз басты адамдарға көмек көрсету болып табылады.
Республикалық жол картасына сәйкес волонтерлік іс-шараларды өткізудің кешенді жоспары әзірленді. Волонтерлік және ерікті жасақтардың қызметіне мемлекет алты миллионға жуық теңге бөлді,бұл өткен жылғы сомадан үш есе артық.
“Еріктілер жылына жеті бағыт бойынша ерікті жастар жасақтарын құрамыз. Атап айтқанда, ауыл оқушыларына білім беру қызметтерін көрсету, мәдени-тарихи мұраны сақтау және дамыту, жоғалған адамдарды іздеу бойынша. Сондай-ақ еріктілерді медициналық мекемелерге, төтенше жағдайлардың салдарын жою жұмыстарына тарту. Сонымен қатар, олардың экологиялық және табиғат қорғау мекемелерімен өзара іс-қимылын қамтамасыз етіп, өмірлік қиын жағдайға тап болған жетім балалар мен жастар арасында тәлімгерлік тәжірибесін енгіземіз”, – деді жастар саясаты мәселелері басқармасының басшысы Қуаныш Жанұзақов.
Сурет: 24.kz
