Ұйғыр белсенділерінің қолына Қытай билігі Шыңжаңның «қайта өзтәрбиелеу лагерлеріндегі» ұйғырлардың еңбегін мәжбүрлі түрде пайдаланатынын көруге болатын спутниктен түсірілген суреттер түсті, деп хабарлайды bild.de ақпарат агенттігі.
Осындай лагерьлердің бірі Ақсу қаласының маңында орналасқан. Фотосуреттерде белсенділер лагерьге жақын зауытқа қатарымен бара жатқан адамдарды көрді. Шамамен тұтқындардың саны 1200 адам.
Басқа суреттерден күзетшілердің қарамағында лагерьдің негізгі қақпасынан шыққан 50-ден 150 адамға дейінгі шағын топтарды көруга болады. Бұл жағдайда фотосуреттерде барлық тұтқындардың қызғылт сары киім кигені көрінеді.
Ұйғыр белсенділері 2017 жылға дейін бұл лагерьлерде «оқу» ақылы болып, ол үшін тұтқындардың туыстары төлегенін білді. Қазір ұйғырлар лагерьде тұру үшін құл ретінде еңбек етіп, өздерінің тамағы мен орнына төлеуге мәжбүр.
Сонымен бірге, Австралияның стратегиялық саясат институтының есебінде бүгін Шыңжаңда миллионнан астам адамды, негізінен ұйғырлар мен түркітілдес мұсылмандар қамалған кемінде 380 «қайта тәрбиелеу лагері» бар екендігі айтылған.
Қытайдың жергілікті дәстүрі мен діни нанымдарға қарсы күрестегі саяси ықпалына тек ұйғырлар емес, этникалық қазақтар да түсіп отыр, сондықтан бірқатар қазақстандық сарапшылар бұл лагерлерьге ерекше күмән келтіреді.
Сурет: bild.be
