Солтүстік Қазақстан облысының әкімдігі қытайлық құрылыс кәсіпорнына Петропавлдағы аурухана мен тұрғын үй құрылысына қаржы салуды ұсынды.
Қытай Shaanxi Coal Chemical инвестициялық-құрылыс корпорациясының президенті Чжан Гао Чин аурухана кешені 2019 жылы басталады, ал болашақта жол салу жоспарланып отыр деп мәлімдеді. Кәсіпкерлер жоба үшін қажетті инвестиция көлемін салуға дайын. Ұйым қазірдің өзінде Ауғанстанда, Тәжікстанда және Өзбекстанда құрылыспен айналысуда. Оның үстіне компания ауыл шаруашылығы, химия өнеркәсібі және мұнай салаларына қызығушылық танытады.
Қытайлықтармен қатар, Солтүстік Қазақстан облысының әкімдігі, Оңтүстік Корея медицина өкілдерімен байланыс орнатады. Облыс әкімі Құмар Ақсақаловтың айтуынша, қазір оның орынбасары Сеулде медициналық туризм саласында тәжірибе жинақтауда.
Өңір билігі, барлық қазақстандықтар мен Ресей тұрғындары емделуі үшін Корей үлгісіндегі аурухана салуды ойластырды. Ақпан айының соңында аурухана жобасының сараптамасы дайын болады.
Петропавл қаласының әкімі Марат Тасмағамбетов қалада инвестиция арқылы коммерциялық тұрғын үй салу жоспарланып отырғанын айтты. Ол сондай-ақ инвесторларға балабақшалар мен көлік логистикасы нысандарын, соның ішінде мемлекеттік-жеке меншік серіктестік аясындағы құрылысты ұсынды. 2019 жылы 700 км жол салу жоспарланып отыр, сондықтан инвесторлар өз қаражатын соған жұмсай алады.
Сурет: pkzsk.info
