Қазақстандық Ұлттық қауіпсіздік комитеті төрағасының орынбасары, шекара қызметінің бастығы Дархан Ділманов біздің республикамыздан саяси баспана сұраған екі этникалық қазақ Қастер Мұсаханұлы мен Мұрагер Әлімұлы Қытайға қайтарылатынын айтты.
Олардың бірі 4 жыл бойы Шыңжаңда қайта тәрбиелеу лагерінде болғанын айтты. Сондай-ақ, босқындар Қытай билігі оларды қудалап, үлкен айыппұл салғанын хабарлады. Олар Қытай тарапынан мұндай әрекеттер, олардың шығу тегі мен діни нанымына байланысты деп санайды.
Олардың алдағы тағдыры туралы айта келе, Дархан Ділманов Қазақстан мен Қытай арасындағы келісімді негізге ала отырып, ер адамдардың біздің республикада қала алмайтынын мәлімдеді. Сонымен қатар, ол мемлекеттік шекараны заңсыз кесіп өту үшін айыпталып отырған екі этникалық қазақтарға қатысты барлық сот және қылмыстық тергеу аяқталған соң, олар ҚХР-ға қайтарылатынын атап өтті.
Өз кезегінде, босқындардың қорғаушысы Ляззат Ахатова егер оларды Қытайға тапсырса, «Қытай Халық Республикасының шетелдік қызметі туралы» бап бойынша, оларға өлім жазасы қолдануы мүмкін деп мәлімдеді.
Сонымен қатар, босқындардың қорғаушысы репатриацияны болдырмауға барлық шаралар қолдпнып жатқанын айтты. Атап айтқанда, ол адам құқықтары жөніндегі халықаралық ұйымдарға хат дайындап жатыр.
Сурет: fergana.agency
