Тараз қаласының көші-қон полициясы бөлімінің қызметкерлері Қытай Халық Республикасы азаматтарына Қазақстанға заңсыз көші-қонын ұйымдастырды, деп хабарлайды ҚР ҰҚК сайты.
Комитеттің ақпараты бойынша, бұрынғы бөлім бастығы А. Зейдалиев пен оның орынбасары Б. Наурызбаев Қытайдан келген мигрант делдал У. Силамбекпен сөз байласып, 170 қытай азаматына Қазақстанда тұру үшін қажетті құжаттарды заңсыз берген.
5 наурызда № 2 Тараз қалалық сотында үкім жарияланды. Зейдалиева Қылмыстық кодекстің 361-бабы, 4-бөлігі, З п. “Ауыр зардаптарға әкеп соққан лауазымдық өкілеттігін теріс пайдалану”, 394-бабы 2-бөлігі “Алдын ала сөз байласу бойынша топ құрамында заңсыз көші-қонды ұйымдастыру” бойынша кінәлі деп танылып, 4 жыл 6 айға бас бостандығынан айырылды.
Наурызбаевты 361-бабы, 4-бөлігі, З п., 394-бабы, 2-бөлігі бойынша кінәлі деп танылып, 3 жыл 6 айға бас бостандығынан айырды.
Силамбек 394-бабы, 2-бөлігі бойынша кінәлі деп танылып, 4 жылға бас бостандығынан айырылды.
Сотталушы Наурызбаев және Саламбек сот залында қамауға алынды. Сейдалиевке қатысты бұрын бұлтартпау шарасы қолданылған – қамауға алынған.
Сурет: knb.gov.com
