Қытайдың Қазақстандағы төтенше және өкілетті елшісі Чжан Сяо Қазақстан Республикасының Президенті Қасым-Жомарт Тоқаевтың Қытай Халық Республикасына мемлекеттік сапары туралы ақпарат берді.
Қытай елшісінің ақпараты бойынша, Президенттің мемлекеттік сапары ресми бөлімге де, бейресми сипаттағы іс-шараларға да толы болады.
“Сапар ҚХР-ның құрылғанына 70 жыл толу қарсаңында өтеді. Менің ойымша, бұл уақыт келісілді,кездейсоқ таңдалған жоқ. Өйткені Қасым-Жомарт Тоқаев Кеңес заманынан бері Қытайда ұзақ уақыт өмір сүріп, жұмыс істегендігін білесіздер. Сондықтан оның бағдарламасына ескі достарымен арнайы кездесу енгізілген”, – деді Қытай елшісі.
Сондай-ақ, мемлекет басшысы өзінің алғашқы мемлекеттік сапары аясында Қытай президенті Си Цзиньпинмен кездеседі.
Қытай Қасым-Жомарт Тоқаевтың сапарына ерекше көңіл бөледі. Қытайлықтар Тоқаевпен түрлі салалардағы екіжақты әріптестікті дамыту туралы сөйлесуге ниетті.
Қытай елшісінің айтуынша,”сапар барысында екі елдің көшбасшылары екіжақты қарым-қатынастарды дамытудың жаңа контурын, сондай-ақ болашақ өзара іс-қимыл бағытының басымдықтарын пайымдайды “.
