“Атажұрт еріктілері” бірлестігінің жетекшісі Серікжан Билаш ұлтаралық алауыздық тудырды деген айыппен, еліміздің билігі оның қылмыстық ісінің нәтижесіне әсер еткенін айтты.
Президентке менің ісім туралы ақпарат жетті. Менің үй қамауында болған кезімде оның тапсырмасы бойынша маған төрт рет Мақсат Сқақов (Президенттің штаттан тыс кеңесшісі) келді. Алматыға келгеннен кейін ол тағы да маған келді. Сот алдында тағы да келді”, – деді Билаш.
Оның басты мақсаты – Қытайдағы қазақтардың қысымшылық жағдайын әлемдік қауымдастыққа жеткізу екенін айтты.
“Мен Қазақстан билігімен күресуді мақсат еткен жоқпын, маған Қытай қазақтарының мәселелерін шешу маңызды болды.Ел билігі осы мәселелерді өздері шешетін болғандықтан, келісімге қолқою туралы шешім қабылдадым”, – деді Билаш.
Серікжан Билаш бес айдан астам уақыт үй қамауында болды. 16 тамызда Алматы қаласы Әуезов аудандық сотының шешімімен ол босатылды.Сот оған 110 мың теңге айыппұл төлеуге үкім шығарды.
Қытайдағы қазақтарының құқығын қорғаушының ісі “Президент кеңесшісінің араласуымен шығарылды”, – деді.
Естеріңізге сала кетейік, “Атажұрт еріктілері” – Қытайдың солтүстік-батысындағы Синьцзян провинциясында этникалық аз ұлттардың құқығын қорғаумен айналысатын коалиция.
