Қытайдың Қазақстандағы төтенше және өкілетті елшісі Чжан Сяо Қытай тарапы біздің елден ауыл шаруашылығы өнімдері импортының көлемін арттыруға ниетті екенін хабарлады.
«Ауыл шаруашылығына қатысты әкімшілік және кедендік кедергілер толығымен алынып тасталды. Енді Қытай нарығы қазақстандық ет, құс, бал, бидай және т.б. үшін толық ашық», – деді Чжан Сяо.
Елшінің айтуынша, Қытайға үлкен импорт қажет және ол Қазақстан Республикасынан кез келген ауыл шаруашылығы өнімін сатып алатын болады.
«Мәселе өндіріс көлемінде ғана, себебі Қытай өте үлкен. Сіздерде ұсыныс шектеулі.5 немесе 50 тонна өнім Қазақстан үшін өте көп. Қытай үшін мұндай көлем – ештеңе емес Ол тіпті СУАР үшін де жетіспейді», — деді елші.
Сурет: Ktk.kz
