Қазақстанның азық-түлік тауарларын Қытайға экспорттаушыларға енді өз өнімдерін осы елге жеткізу мәселесін терең ойластыруға тура келеді, өйткені індеттің таралуы жағдайында Қытай тарапы тек өзіне ғана тиімді шешімдерді қабылдайды, деп хабарлайды “ҚазТАГ” жаңалықтар ресурсы.
Өйткені, енді азық-түлікті Аспан асты еліне жеткізу үшін олар жеткізілетін тауарлардың COVID-19-ды жұқтырмайтынына кепілдік беру үшін Қытай заңдарын сақтау міндеттемелерін өз мойнына алуға дайын екендігі айтылған декларацияға қол қоюы қажет.
Сондай-ақ, бұл құжатта Қытайға экспортталатын өнімдерде коронавирустық инфекция анықталса, экспорттаушылар барлық тәуекелдерді өз мойнына алуға міндетті.
“Азық-түлік кәсіпорнында COVID-19-дың жаңа жағдайы немесе оған күдік туған жағдайда немесе Қытайға экспортталатын азық-түлік өнімдерінің ластану қаупі бар болса, біз азық-түлік қауіпсіздігі тәуекелдерін жою және тұтынушылардың денсаулығын қорғау мақсатында барлық қажетті шараларды қабылдауға дайынбыз”, – делінген декларацияда.
Экспортқа жіберілетін азық-түлік тауарларын тестілеу өте қымбат және ұзақ процесс болып табылады. Сондықтан декларацияны енгізу Қытайдың импортталатын өнімді тестілеу шығындарын қысқартуға және оның қауіпсіздігін қамтамасыз етуді экспорттаушыларға жүктеуге ұмтылуы болып табылады.
Бұл жаңа ереже жеткізушілерге әсер етуі мүмкін, олар тауарсыз және төлемсіз қалуы мүмкін, өйткені коронавирус анықталған болса, тауар жойылады.
