Еуразия парламенттері спикерлерінің кеңесі ағымдағы жылдың 23-24 қыркүйегінде өтеді. Бүгін Мәжілісте Палата Төрағасы Нұрлан Нығматулин Қазақстандағы Ливан Республикасының төтенше және өкілетті елшісі Жискар Эл Хуримен кездесті. Бұл туралы Мәжілістің баспасөз қызметі хабарлады.
Кездесуде Қазақстан-Ливан ынтымақтастығының, соның ішінде парламентаралық деңгейдегі түрлі мәселелерге қатысты болды.
Ливан – Қазақстанның Таяу Шығыстағы ең маңызды серіктестерінің бірі. Нығматулин әңгіме барысында жаһандық бейбітшілік пен әлемдік қауіпсіздікті нығайту тақырыбына көп көңіл бөлді.
Оның айтуынша, жаһандық бейбітшілік пен әлемдік қауіпсіздік басты мәселелер болып табылады және оның негізін Тұңғыш Президент Нұрсұлтан Назарбаев салды.
Мәжіліс төрағасының айтуынша, Қазақстан Сириядағы жағдайды реттеу бойынша көптеген келіссөздердің алаңы бола отырып, халықаралық қауіпсіздікті қамтамасыз етуде маңызды рөл атқарады. Қазақстан Ливанда БҰҰ бейбітшілікті қолдау жөніндегі миссиясының бітімгершілік контингентіне қатысты.
Нұрлан Нығматулин Қазақстан Ливан парламентшілерімен өзара қарым-қатынасты дамытуға мүдделі деген пікірін білдірді. Оның айтуынша, Ұлттық Ассамблеясы делегациясының Еуропа және Азия елдері Парламенттері спикерлерінің төртінші Кеңесіне қатысуы Ливанмен парламентаралық ынтымақтастықты нығайтуға ықпал етеді. Болашақ кеңестің тақырыбы – “Үлкен Еуразия. Диалог. Сенім. Серіктестік”.
Ливан елшісі Қазақстанмен мемлекетаралық қарым-қатынастардың даму ерекшеліктері туралы айта келіп, Ливан да олардың дамуы мен нығаюына мүдделі екенін атап өтті. Эл Хури Ливан Республикасы Қазақстан Республикасының бітімгершілік бастамаларын және оның әлемдегі қауіпсіздікті нығайту мен күшейтуге қосқан үлесін жоғары бағалайтынын атап өтті.
Сурет: Static.365info.kz
