“СК-Фармация” бірыңғай дистрибьюторы ресейлік “Спутник V” вакцинасының 2 млн дозасынан астамын сатып алды. Оның жартысы өңірлерге таратылды, деп хабарлайды “Хабар 24”. Препарат кесте бойынша жеткізіледі. Елімізде ұжымдық иммунитетті қалыптастыру үшін 10 миллионға жуық адамды егу жоспарланды. Премьер-Министр Асқар Маминнің тапсырмасы бойынша, осы айдан бастап өңірлерде вакциналау қарқыны артады.
Ай сайын 2 миллион адам екпе алады. Науқанды қыркүйек айында толығымен аяқтауды жоспарлап отыр. Дәрігерлер сәуір айының соңында жергілікті QazVac вакцинасы шығады деп күтуде. Басқа өндірушілерден де вакцина сатып алу мүмкіндігі пысықталуда.
