Қырғызстанның бұрынғы басшысы Алмазбек Атамбаев қазіргі президент Сооронбай Жээнбеков дереу қызметінен кетуі керектігін мәлімдеді, деп хабарлайды tengrinews.kz ақпарат ресурсы.
Атамбаев Бішкектегі милициямен қиян-кескі қақтығыстардан, жаппай тәртіпсіздіктерден кейін, Жээнбеков туыстарының көмегімен өз позициясын нығайта бастады деп мәлімдейді.
Экс-президенттің пікірінше, Сооронбай Жээнбеков Қырғыз Республикасы Үкіметінің басшысы Садыр Жапаровқа уәде бергендей қызметінен кетуі керек.
Бұған дейін Қырғызстан парламентінің кейбір депутаттары Жапаровтың үкіметті басқаруына келіспейтіні хабарланған болатын. Олардың пікірінше, ол заңсыз.
Жогорку Кенеш вице-спикері Аида Қасымалиева жаңа премьерді тағайындау талқыланған парламент отырысы кезінде, депутаттарға қауіп төндіріп, олардың Жапаровқа дауыс беруін талап еткенін айтты.
Қалыптасқан жағдайға байланысты Қасымалиев сотта жаңа премьер-министрдің тағайындалуына қарсы дауламқысы келеді.
Көрші елдегі жағдай 6 қазанға қараған түні, парламенттік сайлау нәтижелерімен келіспеген азаматтар Бішкекте митингке шыққан кезде шиеленісе түсті. Кейін наразылық тәртіпсіздіктерге және маңызды мемлекеттік лауазымдарды заңсыз басып алуға ұласты.
Сурет: tengrinews.kz
