Қырғызстанның атқарушы билік басшысының міндетін атқарушы Артем Новиков Бозымшақ кен орнында мыс пен алтын өндіретін KAZ minerals Bozymchak қазақстандық кәсіпорнында болды, деп хабарлайды 24.kg жаңалықтар ресурсы.
Наразылық білдірушілер оны заңсыз басып алуға тырысқан, 5-6 қазан оқиғасынан кейін, бұл кәсіпорын жақында жұмысын қайта бастады.
Новиков тау-кен өндіру кәсіпорнының іске қосылуы Қырғыз Республикасы билігіне еліміздің инвесторларының сенімін қалпына келтіретінін айғақтайтын маңызды оқиға болып табылатынын мәлімдеді.
“Кәсіпорынның тоқтап қалуынан барлығымыз ұтыламыз, бюджетке салық аударымдары аударылмайды, 1 мыңға жуық адам жұмыссыз қалды. Қазір біздің азаматтар өз жұмыс орындарына оралды, әлеуметтік төлемдер төленіп, бюджетке аударымдар жүргізілетін болады”, – деді Новиков.
Сапар соңында көрші республика Премьер-Министрінің міндетін атқарушы Жалал-Абад облысы Үкіметтің өкілетті өкіліне KAZ minerals Bozymchak-тың тұрақты жұмысын қамтамасыз етуді тапсырды.
Бұл кәсіпорын Қазақстан KAZ Minerals PLC компаниясының құрылымына кіретін Қазақстан Республикасындағы ең ірі мыс өндіруші болып саналады.
