Инвестицияларды жылжыту агенттігі Бозымшақ мыс-алтын кен орнын әзірлеушіге, атап айтқанда KAZ Minerals компаниясына ең қысқа мерзімде «жергілікті тұрғындармен барлық мәселелерді пысықтауға және компанияға келіп түсетін қатерлер мен қауіптердің алдын алуға»уәде берді. Бұл туралы economist.kg, агенттік өкілдеріне сілтеме жасай отырып хабарлайды.
Агенттікте осындай мәлімдеме Kaz Minerals кәсіпорнының, сондай-ақ Қазақстан Республикасының Қырғыз Республикасындағы Елшілігінің өкілдерімен өткен кездесу кезінде айтылды.
Сондай-ақ, агенттік осы кезеңде Бозымшақ кен орнының қызметі уақытша тоқтатылғанын атап өтті. Бұл кеніште объектілерді күзетуді қамтамасыз ететін және жабдықтың жұмысын қолдайтын қызметкерлер ғана жұмыс істейді.
Жалал-Абад облысының Ала-Букин ауданында орналасқан Бозымшақ мыс-алтын кен орнын 2014 жылдан бастап KAZ Minerals PLC отандық кәсіпорны өзінің KAZ Minerals Bozymchak еншілес компаниясы арқылы игеруде. Бүгінгі таңда кен орны 1200-ге жуық адамды жұмыспен қамтып отыр.
Kaz Minerals Bozymchak компаниясы — Қырғыз Республикасындағы ең ірі салық төлеушілердің бірі.
Сурет: economist.kg
